Ală tiah ơm kis pa rơ̆p geh lam lơh tàm ală sàh Cát Tiến, Đề Gi, Phù Mỹ Đông, Phù Mỹ Bắc, An Hòa mờ sơnah ƀòn Quy Nhơn Đông, nàng kờñ gàr niam tiah ơm lơngăp lơngai ai ală hìu bơnhă làng bol pal ntrờn tiah ơm tơnơ̆ dơ̆ mìu dờng dà kŏ dà lìu pa do. Kờp jơh priă tă lơh ai 9 bơta rơndăp lơh dê rlau 178 tơmàn đong, ngui kes priă dà lơgar mờ ală gah di mờ adat boh lam ndai.

Mpồl atbồ rơndăp broă lơh Broă lơh sa suơn sre mờ Bơtàu tơnguh ƀòn lơgar càr Gia Lai dê geh jàu lơh cau tờm bơcri priă lơh, lơh jat ală sră nggal rơwah cau tờm mut lơh mờ lơh sir sră nggal jat jơnau sồr. Rơndăp broă lơh kờp dŭ geh lam lơh tàm tơngai bơh nam 2025–2026, mờ jơnau kờñ lơh mhar tŭ tơngai bè ờs wơl rài kis, bơtàu tơnguh wơl lơh sa mờ tơrmù uă ngan rlau jơh bơta pơhìn gơlik geh tai hoàc huơr ai làng bol tiah gơtìp trồ tiah lơh aniai in.