Mìu càl rbŭt dờng Kalmaegi là dơ̆ mìu càl rbŭt dờng pràn ngan rlau jơh tus tàm càr tàm gĭt nđờ jơ̆t nam do, lơh gơbàn hoàc hươr kơn jơ̆ ngan. Kơnờm rơcăng lài drơng wơl “bơh gờñ, bơh ngài”, càr neh ntrờn lơngăp lơngai rlau 300 rbô nă cau, dong geh rlau 200 nă cau klàs bơh tiah sơbơng roh, tơrmù uă ngan hoàc hươr aniai bè kòn bơnus. Tơnơ̆ mìu càl rbŭt dờng, jơh gùt càr geh rlau 50 rbô nơm hìu gơtìp ờdiơng, tàm hơ̆ mờr 1 rbô nơm hìu tơrlơm jơh; 2 nă cau chơ̆t, 8 nă cau gơtìp sồt să. Kờp jơh hoàc hươr aniai kờp dŭ rlau 5 rbô 200 tơmàn đong. Uă broă bơ̆t bơtàu phan bơna, ngan là tàm tiah drà Quy Nhơn – anih tờm lơh sa, lòt nhơl càr dê- gơtìp lơh aniai kơn jơ̆.

Củ tịc Anih duh broă Làng bol càr Gia Lai hòi jà jơh ală anih lơh broă cíñ trị, mpồl lơh sa kă bro mờ làng bol lơh jăt nùs nhơm kơnờm tàm bơta pràn is, lơh ngan is, sơm băt tê bal lơh wơl phan bơna, dong kờl làng bol, bañ lời cau lơi gơtìp lời ơm wơl hờ ngkời.