Jat hơ̆, 56 rơndap broă lơh mờ rlau 3 rbô 100 tơmàn đong geh tàm jàu: 4 rơndap broă lơh (381 tơmàn đong) jàu ai Mpồl atbồ bơcri priă bơt bơtàu càr mờ 52 rơndap broă lơh (2 rbô 740 tơmàn đong) jàu ai ală sàh, sơnah ƀòn in. Bơdìh hơ̆ tai, 34 rơndap broă lơh mờ kờp jơh priă bơcri 667 tơmàn đong gơ wèt ală broă lơh jơnau kờñ dà lơgar bal mờ mờr 400 rơndap broă lơh dềt lài do jàu kơnhoàl, ƀòn drà dềt, ƀòn dờng in tŭ do kung jàu sàh, sơnah ƀòn in lơh.

Kwang lam bồ Sờh Priă jền càr Gia Lai ồng Trần Cang đơs là, broă tam gơl do rơp rơndap tap sèng wơl kơnòl atbồ, sơlơ tam pà kâp ai sàh, sơnah ƀòn in, tơnguh cồng nha ai priă bơcri, gơ jat bal mờ broă lơh gơnoar atbồ 2 kâp. Ồng đơs sùm, priă bơcri tàm sàh lơi den jàu gơnoar atbồ sàh hơ̆ in đơng lam, sồr lơh, lam lơh, mờ kung ai gơnoar sàh geh tơl bơta crơng gơs mpồl atbồ rơndap broă lơh halà ơpah mpồl lơh broă mờng chài dong kờl.