Rơndăp broă lơh gùng pleh lơh sa đah mat tơngai lik – gơl gùng pleh Gùng dờng Dà lơgar 19, gơl lòt gan sàh Biển Hồ, sơnđờm mut lơh tàm lồi nam 2022 mờ kờp jơh khà priă bơcri lơh 1 rơbô 325 tơmàn đông, jòng mờr 15 kơi sồ, tŭ do tơnguh dơ̆ mut lơh “3 dơ̆ 4 mpồl lơh broă” ờ kờp trồ tơngai, jơh nùs lơh ngan lơh sir lài mờ ngai 19 nhai 12 nam do.

Bal mờ hơ̆, Gia Lai gam rcang ai 2 rơndăp broă lơh Dà lơgar kwơ màng: gùng rơndeh lòt mhar Quy Nhơn – Pleiku mờ gùng rơndeh ồs lòt mhar đah Tô- đah Jum dà lơgar. Càr neh lơh sir jơh ală broă lơh đo was, kờp sền, rcang phan bơna mờ ai pơgăp 11 rơbô tơmàn đông nàng drơng broă tơm priă, ai mat ù, lơh geh bơnàng jă lam lơh ală rơndăp broă lơh dờng, pơgồp bơnah tàm tơrbŏ bal kơnhoàl ù tiah mờ sơlơ tơnguh tai bơtàu tơnguh kơnhăp jŏ.