Anih duh broă Làng bol càr Gia Lai sồr ală mpồl lơh broă geh gơnoar pơn jat tai ai uă ngan rlau jơh cau lơh broă, phan bơna nàng dong kờl rềs àr; ai lài sền gàr màng kis làng bol dê. Gah lơh broă geh gơnoar mhar lơh niam wơl ală broă lơh phan bơna kuơmàng bè gùng lòt, bơtơt rbòng dà, gùng che đèng, viễn thông, hìu bơsram, hìu sơnơm; mờ kung rơcang anih ơm pleh ing niam ờdo ờdă, gàr tơl ală bơta drơng rài kis làng bol gơtìp roh hìu tàm càl rbut dờng sồ 13 mờ dơ̆ dà tih dà lìu pơn jat hơ̆. Mpồl ling, ling sền gàr tiah nhàr lơgar mờ kwang àng lam lơh ntrờn làng bol lik bơh tiah ngòt rơngơt sơbơng roh, lam lơh dong kờl rềs àr, lơh niam wơl tiah ơm kis tơnơ̆ càl rbut dờng dà tih dà lìu mờ rơcang lài kơryan kòp bơtờp. 2 dơ̆ trồ tiah lơh aniai tàm pơn jat sùm pa do tàm càr Gia Lai neh geh 5 nă cau chơt, 11 nă cau gơtìp sồt să, rlau 100 rbô hìu làng bol gơtìp aniai, uă phan bơna, broă lơh gơtìp tơrlah tơrlơm. Kờp jơh hoàc huơr mờr 12 rbô tơmàn đong.