Gŏ 18 ƀồc ntìng Ling chơ̆t màng tàm sươn làng bol càr Gia Lai dê
Thứ sáu, 14:08, 17/10/2025
Cau mblàng: Lơ Mu K'Yến/ VOV Tây Nguyên
Cau mblàng: Lơ Mu K'Yến/ VOV Tây Nguyên
VOV.K'Ho- Tàm sàh Ia Boòng, gơ wèt kơnhoàl Chư Prông yau, càr Gia Lai dê, kwang bàng, cau ling Mpồl K52 gam sơrbac mhar pơgồp bal mờ ală mpồl geh gơrềng rề ơnàng bă ù jòi, rờ tơrgùm ƀồc ntìng Ling chơ̆t màng phi să bơh ală tŭ tơngai tam lơh mờ cau sò tơm lơgar ndai.
Tàm bă ơnàng ơnàng rlau 100 thơk vuông tàm sươn hìu ồng Kor Tân, ƀòn Gà, sàh Ia Boòng, Mpồl K52 neh lam tờ jòi, rờ tơrgùm geh 18 ƀồc ntìng Ling chơ̆t màng. Ală ƀồc ntìng Ling chơ̆t màng neh geh ai dùl êt drơng broă lơh sền swì gĭt nền AND. Bơdìh kơnhoàl ù tiah ƀòn Gà, Mpồl Đơng lam Ling klàng sàh Ia Boòng bal mờ ală mpồl lơh broă geh gơrềng gam pơn jăt tai lùp nền jơnau yal, rề ơnàng bă ù jòi tàm kơnhoàl ù tiah ƀòn Sung O mờ Boòng Nga.
Sàh Ia Boòng gơ wèt kơnhoàl Chư Prông yau là tiah tam lơh dờng ngan rài Tam lơh dră wơl cau sò tơm lơgar Mỹ. Jăt broă rơndăp lơh, tus ngai 20/10, Mpồl K52 rơ̆p lơh sir kơnòl broă tàm sàh, rơcăng ai dơ̆ lơh kơnòl broă jòi tơrgùm ƀồc ntìng Ling chơ̆t màng tàm lơgar bơyô Campuchia tàm kàl prang nam 2025- 2026.
Viết bình luận