Tơnơ̆ mờr 1 nam lam lơh, khà jờng sră ƀău neh gơ hòi gơ jà rlau 250 jơnau sră ƀău bơh uă anih lơh ƀău tàm gùt lơgar. Ală jơnau sră ƀău neh đơs niam ngan bè tŭ tơngai tam gơl pa, rềp làng bol tàm broă lơh atbồ, pơgồp bơnah bơt bơtàu rài sră pơ àr gơnoar atbồ drơng wơl, ai tơnggŏ loh gơnoar broă “ơm gak mpồng” bơh Ƀộ sền gàr adat boh lam dê tàm broă lơh sir adat boh lam mờ bơt bơtàu mpồl bơtiàn lài ngan ki ngàm adat boh lam. Mpồl bơyai lơh neh rơ wah 18 jơnau sră ƀău mut tàm dar dut ndơl, tàm hơ̆ jàu 2 khà A, 2 khà B, 4 khà C mờ 10 khà pơn jờng ai ƀău lip mờ ƀău điện tử in. Cồng nha khà jờng lời wơl tềl kuơmàng, pơgồp bơnah lơh gơ rề bơta kuơ, đơs nền gơnoar broă bơh gah sền gàr adat boh lam dê tàm tŭ tơngai pa dê.