Yal tơngume pơrjum sền bal bơh jơnau rcang cih Adat, Ƀộ trưởng Ƀộ Niam chài- Tàp pràn să mờ Lòt nhơl ồng Nguyễn Văn Hùng pà gĭt, pơndrờm mờ Adat Sră ƀăo geh ngui tŭ do geh 6 tap 61 bơta den jơnau rcang cih Adat Sră ƀăo (tam gơl) kờp dŭ geh 4 tăp, 50 bơta (tơrmù 2 tăp, 11 bơta), tàm hơ̆: gàr bè ờs tơngume 9 bơta, tam gơl tơngume bơh 38 bơta, bơtơl pa 3 bơta, lời tĕ 6 bơta.

Bè ală jơnau sồr nàng atbồ kràñ broă lơh sră ƀăo, gàr niam bơta pràn lơh broă, gơtùi lơh broă, mờ geh cồng nha tàm broă atbồ, jơnau rcang cih Adat kờp dŭ geh ai lơh jat rơ̆p geh 7 broă geh rề ơnàng ù tiah lơh broă bơh sră ƀăo dê tàm internet nàng pơlam gùng dà, tề lam jơnau yal; lơh geh ală anih lơh broă lơh tờm dờng, pràn; sơlơ tơnguh tai ală priă jền mpồl bơtiàn ai bơtàu tơnguh sră ƀăo in; bơsong geh ală bơta kal ke, kòl yan bơh Adat Sră ƀăo nam 2016, tơnguh niam cồng nha mpồl cau lơh broă dê. Kờp dŭ rơndăp broă lơh Adat Sră ƀăo (tam gơl) rơ̆p geh Quôk hội sền sơ wì, ring bal tàm pơrjum dơ̆ 10, Quôk hội khoă 15.