Tàm dơ̆ lơh broă, đơng lam ală càr neh yal jơnau rơcang cih sră nggal tờm ngan, geh jơnau yal cíñ trị, jơnau yal sền tìs di đơng lam tơngai lơh broă bơh nam 2020 tus nam 2025, jơnau rơcang cih jơnau lơh nền tàm pơrjum, ală jơnau lơh nền bè kwang bàng kâp ủy tơngai lơh broă bơh nam 2025 tus nam 2030 mờ jơnau yal cih dờp jơnau đơs bơh Đảng dà lơgar dê. Duh broă sùm Ƀan Ƀí thư cih dờp ală cồng nha kuơmàng mờ ală càr neh lơh geh, mờ kung sồr cih dờp wil tơl jơnau đơs bơh Ƀộ Cíñ trị, Ƀan Ƀí thư, ală mpồl, ƀộ, gah lơh broă dà lơgar dê nàng lơh sir sră nggal mờ broă rơndap lơh kwang bàng. Ồng Trần Cẩm Tú tơngkah ală broă rơndap lơh tàm tơngai lơh broă pa pal gơ jat bal mờ jơnau lơh nền dờng bơh Dà lơgar dê, git tŭ niam tŭ lam lơh gơnoar atbồ ƀòn lơgar 2 kâp, mờ kung ai mờng chài bơh bơta ờ niam tàm tơngai lơh broă bơh nam 2020 tus nam 2025 nàng geh broă lơh bơsong di tŭ.