Nam do, 100 nă cau kă bro kơnòm să jak ngan geh jờng rơ, tàm hơ̆ geh 10 nă cau krơh niam pơn rơ jak ngan rlau jơh dờp khà jờng Sơrmañ Pơrhê- Jờng rơ cih dờp tam gơl pa bơceh lơh, bơta pràn jak atbồ mờ tă pơgồp mpồl bơtiàn in. Is ồn, Mpồl duh broă sac rơ wah bal neh ring bal ai Mpồl tam klăc Ơruh pơnu Việt Nam sền sơ wì jàu khà jờng rơ Sơrmañ Pơrhê niam ngan nam 2025 ai 1 nă cau kă bro tơngŏ bơta pràn brồ guh, sơr lèt gan rài kis kal ke nàng brồ guh tàm rài kis, geh broă lơh lơh sa geh cồng nha mờ ală tă pơgồp jơnau nùs ai mpồl bơtiàn in.

Ală mpồl lơh sa kă bro gơwèt Mpồl 100 geh kờp jơh jơtài phan bơna mờr 300 tơlak tơmàn đong, priă lơh geh rlau 310 rơbô tơmàn đong, tong kes priă dà lơgar in mờr 21 rơbô tơmàn đong mờ lơh geh broă lơh ai mờr 60 rơbô nă cau lơh broă in. Ală khà do pơn jat tai đơs nền gơnoar lam lài bơh mpồl cau kă bro kơnòm să dê tàm uă gah broă tờm bè lơh sa mờ măi mok, priă jền- anih priă jền, năng lượng lơh gơlik wơl, logistics, măi mok, bơto bơtê, ngui sa mờ kă bro ù tiah hìu đam.