Ală Kông ty TNHH Mat tơngai Phú Quốc mờ Kông ty TNHH Măt tơngai Hạ Long geh jàu lam lơh Rơndăp broă lơh Tiah drà pa Đầm Môn mờ Tiah drà pa Tu Bông mờ khà priă bơcri lơh rlau 65 rơbô 300 tơmàn đong. Jơh bal 2 rơndăp broă lơh tơrgùm tàm lơh hìu ơm, kă bro phan, lòt nhơl, bơto bơtê, lơh sơnơm, tam tờm chi, kông viên mờ phan bơna bơt bơtàu măi mok ring bal. Tơngai lơh broă là 50 nam kờp bơh ngai jàu ù; kờp dŭ sơnđờm mut lơh bơh nam 2025 mờ lơh sir tàm lồi nam 2034.

Ồng Trần Minh Chiến, Lam bồ Mpồl Atbồ Tiah Lơh sa mờ ală Tiah Lơh sa mờ măi mok càr Khánh Hoà pà gĭt, 2 rơndăp broă lơh do rơ̆p pơgồp bơnah lam Tiah Lơh sa Vân Phong gơ gơs anih tờm drơng broă, kă bro phan, lòt nhơl, mơkung lơh ngan ngồn broă lơh krơi is mờ Quôk hội neh lời ai càr Khánh Hoà in.