Kờp dŭ lài, gùt càr geh 317 rơndap broă lơh, geh rlau 100 rơndap broă lơh tàm pơ dờn wơl mờ rlau 200 rơndap broă lơh sơn đờm lơh pa. Kờp jơh priă bơcri dà lơgar dimơ tơngai mờr 140 rbô tơmàn đong. 

Tàm hơ̆, kes priă càr ai mờr 76 rbô tơmàn đong, kes priă dà lơgar dong kờl rlau 58 rbô tơmàn đong mờ 340 tơmàn đong bơh broă lơh krơi is jat Jơnau lơh nền tàm pơrjum sồ 55 bơh Quôk hội dê. Mpồl Lơh kơnòl broă sùm Tỉñ ủy càr Khánh Hòa sồr Đảng ủy, Anih duh broă Làng bol càr bal mờ ală sờh, gah broă lơh pal git loh bơta jal mhar bơh tơl rơndap broă lơh dê, lơh lài ală broă lơh phan bơna kuơmàng, drơng rài kis làng bol, mờ kung pơgồp bal mờ broă lơh jat Jơnau lơh nền tàm pơrjum bơh dà lơgar mờ càr dê.