Bơnah broă tờm là bồr tơnring mờr 20 rbô thơk vuông, tàm hơ̆ rlau 18 rbô thơk vuông bồr rlau hờ dà lềng vịñ Cam Ranh, bal mờ bơt tơt kìng mờ lŭ jòng rlau 500 thơk. Do là bơnàng jă nàng lơh anih prap ơn xăng zờu mờ ñiên liệu par tàm tŭ tơngai pơn jat tai. Rơndap broă lơh geh kờp jơh priă bơcri lơh rlau 150 tơmàn đong. Tŭ lơh gơs jơh 2 bơnah broă, broă lơh geh bơta pràn prap ơn mờr 15 rbô khối, ơnàng dờng ngan rlau jơh là 12 rbô thơk vuông, jơnhua ờ sơrlèt rlau 17,2 thơk. Bơnah broă sồ 1 kờp dŭ lơh gơs tàm 23 nhai, is ồn bơnah broă bồr rlau hờ dà lềng tơn jơh tàm 10 nhai. Bơnah broă sồ 2 rơp lam lơh tơnơ̆ hơ̆ tơn mờ kờp dŭ lơh gơs tàm nhai 8 nam 2026. Broă lơh kơp kơnờm gơ gơs anih prap ơn bơh chờm tac ñiên liệu ai ƀlàng rơndeh par Cam Ranh in, pơgồp bơnah bơtàu tơnguh drà kă bro ñiên liệu par mờ broă drơng ala logistics tiah đah jum tàm gùl lơgar.