Khánh Hòa sơlơ tơnguh tai broă lơh jơi bơtiàn, pin dờn jat yàng
Thứ năm, 11:06, 11/09/2025
Cau mblàng: K'Duẩn/ VOV
Cau mblàng: K'Duẩn/ VOV
VOV.K'Ho - Thứ trưởng Duh broă sùm Ƀộ Jơi bơtiàn mờ Pin dờn jat yàng ồng Hồ Văn Niên đơs sùm jơnau sồr jal mhar là sơlơ tơnguh tai atbồ dà lơgar bè broă lơh jơi bơtiàn, pin dờn jat yàng, gàr lơh broă niam broă lơh gơnoar atbồ ƀòn lơgar 2 kâp, gơ jat bal mờ kơnòl broă tơnguh niam rài kis, tơrmù rƀah kơ̆ kơljap sùm ai làng bol jơi bơtiàn dồ êt nă cau in.
Tơnơ̆ tŭ tơrgùm dùl mờ càr Ninh Thuận, càr Khánh Hòa pa geh rlau 2 tơlak 200 rbô nă làng bol. Càr geh 36 jơi bơtiàn dồ êt nă cau mờ 290 rbô nă cau, geh rlau 13% khà kờp làng bol gùt càr; geh 12 gah jat yàng lơh broă mờ mờr 900 anih duh broă gah jat yàng, 650 rbô nă cau jat yàng mờ mờr 8 rbô 800 nă cau kơ đơng yàng, cau duh broă yàng. Ală nam do, càr Khánh Hòa sền gròi bơcri priă bơtàu tơnguh tiah jơi bơtiàn dồ êt nă cau. Tơngai bơh nam 2021 tus nam 2025, khà hìu bơnhă rƀah tàm tiah do neh gơmù kờp bal rlau 5% pah nam. Càr neh lơh gơs broă lơh tơn jơh hìu ing, hìu ồm sèt nhăt dà mìu gờñ 4 nhai pơndrờm mờ broă rơndap lơh, mờ 3 rbô 500 nơm hìu geh lơh pa mờ lơh niam wơl.
Viết bình luận