Dơ̆ lòt còp geh lơh tàm tŭ tơngai 2 lơgar pa tơnguh bơta git gơp gơs lơgar lơh broă bal jŏ jòng tơl làm tàm nam 2024. Dơ̆ lòt còp ai tơnggŏ broă lơh bơh Australia dê bè ờ tam gơl sền dờng màng mờ ơn lài uă ai broă bơtàu tơnguh bơta git gơp mờ tiah đah jum mat tơngai lik câu Á in, tàm hơ̆ geh Việt Nam. 

Bè đah Việt Nam, broă wă Kwang ala mat lơgar Australia lòt còp pơgồp bơnah lam lơh broă lơh cribơyai mờ lơgar ndai bơh Đảng mờ Dà lơgar dê sền dờng màng bơta git gơp mờ ală lơgar tàm tiah đah jum Thái Bình Dương, ngan là Australia. Tŭ do, Australia là lơgar lơh broă bal kă bro phan dờng dơ̆ 7 bơh lơgar Việt Nam dê mờ Việt Nam là lơgar lơh broă bal dờng dơ̆ 10 bơh lơgar Australia dê. Priă lơh geh bơh kă bro phan đah 2 lơgar gơguh sùm, geh rlau 14 tơmàn dolar Mỹ nam 2024. Bàr gah kung lơh ngan pờ mpồng drà kă bro ai phan bơna bơh gơp dê in. Dơ̆ lòt còp kâp dà lơgar tus lơgar Việt Nam bơh Kwang ala mat lơgar Australia ồng Sam Mostyn dê rơp pơn jat tai lơh kơ̆ kơljap mờ sơlơ tơnguh tai bơta pin dờn kuơmàng đah 2 lơgar, tă pơgồp tàm ring lơngai, kơ̆ kơljap mờ bơtàu tơnguh tàm tiah do.