Tơngai lơh broă bơh nam 2025 - 2030, sơnah ƀòn Pleiku ai jơnau kờñ bơt bơtàu Đảng ƀộ mờ ală anih lơh broă cíñ trị sàng goh, kơ̆ kơl jăp pràn kơl dang, tă bơsong bơta gơ kòl, lơh niam bơta pràn bơtàu tơnguh, pơnđơl pràn lơh ngan lơh geh khà gơguh lơh sa 13,3% tàm nam, lơh sa mờ măi mok- bơt bơtàu mờ drơng broă là tờm ngan gơguh lơh sa.

Đơs đơng lam tàm pơrjum dờng, ồng Nguyễn Trọng Nghĩa- Lam bồ Mpồl Mblàng yal - bơto bơtê mờ Hòi jà làng bol Dà lơgar đơs sùm: sồr ală kwang bàng lơh jat niam bơta ƀuơn bơta pràn tàm pơn ndrờm mờ bơta ƀuơn bơta pràn dờng ngan bơh càr Gia Lai pa mờ bơh sơnah ƀòn Pleiku dê. Bơh hơ̆ lơh kah wơl bơta kơ̆p kờñ tam gơl pa, bơceh lơh, mơkung bơtàu tơnguh kơ̆ kơl jăp jŏ jòng jat rơndăp tăp sèng neh geh ai tơlik tàm jơnau rcang cih, nàng lơh bè lơi nàng bơt bơtàu sơnah ƀòn Pleiku gơ gơs sơnah ƀòn tờm, lam lài bơh càr Gia Lai dê, là sơnah ƀòn bơtàu tơnguh tơlir, niam jak mờ bềng bơhiàn niam chài.