Tàm dơ̆ lơh chờ, uă broă lơh ndrờm pal ală lơgar rơp geh lơh bè: ràng tơlik, yal tơnggit phan ce mờ măi mok lơh gơlik phan pa ngan; pơrjum tàm bơyai bè broă rơndap lơh tơnguh bơngă mat kă bro ce Việt Nam; Tìp mat lơh kwèng ce lơh bơyô mờ ală kwang atbồ anih lơh broă ala mat mờ nac ală lơgar; Ngai chờ tàm gùng mờ niam chài ce; Gùng lòt nhơl ală tiah tam ce; bal mờ ală broă lơh niam chài đơs crih tamya, ràng tơlik bơyai lơh mờ lòt sền niam chài ce.

Bơdìh hơ̆ tai, gam geh ală broă lơh kềng bơdìh pơn rơ ngan bè: Ù tiah niam chài ce Việt Nam, ràng tơlik ală jơnau bơceh lơh ai bơta gơ kờñ bơh ce; dơ̆ pơrlòng “Gen ce” lời ai ală cau bơsram dờng ală hìu bơsram đại họk, pơn jờng bơceh lơh mờ sơn đờm mut lơh broă bơh niam chài ce… Dơ̆ lơh chờ ce ală lơgar nam 2025 geh kơp kơnờm gơ gơs là bơta tờm niam chài – lòt nhơl – lơh sa ndrờm pal ală lơgar bơh càr Lâm Đồng mờ lơgar Việt Nam dê, lơh gơlik gùng lòt pa lam niam chài ce Việt Nam brồ guh ngài làm gùt plai ù.