Tơnơ̆ 3 nhai sồr ai tai kwang bàng kấp sàh in, cồng nha tàm 730 nă kwang bàng, kông cứk, viên cứk, cau ling tus tàm ƀòn lơgar, rlau 98% lơh sir niam ngan kơnòl broă rlau hơđang, tàm hơ̆ rlau 25% lơh sir jak ngan kơnòl broă. Dơ̆ sồr kwang bàng tus tai tàm ƀòn lơgar bơh càr Lâm Đồng dê kung lơh geh cồng nha niam 2 dơ̆, mờ tơrmù bơta kơn jơ̆ ai ƀòn lơgar in mơkung dong mpồl kwang bàng kấp càr bơsram tàp, tào dờng bơh bơta geh ngan, pơgồp bơnah bơt bơtàu mpồl kwang bàng tơl làm, rềp làng bol, rềp broă lơh.

Đơs tàm pơrjum, ồng Hồ Văn Mười, Củ tịc Anih duh broă Làng bol càr Lâm Đồng, đơs nền: 730 nă kwang bàng ai tai neh pơgồp bơnah bè ờs mờ tơnguh uă cồng nha lơh broă, cồng nha bơh gơnoar atbồ ƀòn lơgar dê tàm tơngai tam gơl lơh jat broă lơh gơnoar atbồ ƀòn lơgar 2 kấp.