Tŭ do, càr Lâm Đồng geh rlau 33 rbô mpồl lơh sa kă bro mờ kờp jơh priă bơcri cih tàm sră rlau 350 rbô tơmàn đong. Ală cau lơh sa kă bro, mpồl lơh sa kă bro neh mờ gam geh bơta tă pơgồp niam ngan, dờng ngan ai broă bơtàu tơnguh lơh sa mpồl bơtiàn bơh càr dê in.

Tàm pơrjum hòi jà bơcri priă pa do, Anih duh broă Làng bol càr Lâm Đồng neh jàu jơnau lơh nền broă rơndap lơh bơcri priă, sră cơng tàng cih tàm sră bơcri priă ai ală mpồl lơh sa kă bro in mờ kờp jơh priă bơcri cih tàm sră 9 rơndap broă lơh là rlau 35 rbô tơmàn đong. Càr kung kĭ jơnau ring bal cih kah lơh broă bal mờ 12 mpồl bơcri priă, tơrgùm tàm ală broă geh bơta pràn, bơta ƀuơn. Broă gơ hòi gơ jà tai uă cau bơcri priă là bơta sơn đờm kuơmàng ngan, dong Lâm Đồng lơh geh jơnau kờñ tus nam 2030 gơ gơs là càr bơtàu tơnguh niam bè jơnau kờñ lơh geh mờ pơrjum dờng Đảng ƀộ càr neh ai tơlik.