Sờh Bơ̆t bơtàu mờ Sờh Niam chài, Tàp pràn să jan mờ Lòt nhơl là 2 mpồl lơh broă geh Anih duh broă Làng bol càr Lâm Đồng jàu lam lơh jăt ală tơngume sră nggal Rơndăp ù tiah bal Tiah lòt nhơl dà lơgar Mũi Né tus nam 2040, bơta wèt sền tus nam 2050. Kơnhoàl ù tiah lơh rơndăp ù tiah tàm ù tiah 3 sàh, sơnah ƀòn, geh: Phú Thủy, Hoà Thắng mờ Mũi Né bal mờ kờp jơh bă ù ơnàng lơh rơndăp ù tiah rlau 14 rbô 700 lồ. Rơndăp ù tiah ơn jơnau kờñ bơ̆t bơtàu, tiah lòt nhơl dà lơgar Mũi Né gơgơs dùl tiah tờm lòt nhơl gơcèng bơngă ală lơgar, anih tus khà dùl bơh kơnhoàl ù tiah câu Á- Thái Bình Dương dê.

Yal lài tus nam 2030 khà năc lòt nhơl geh pơgăp 14 tơlak nă, anih ơm bĭc pơgăp 41 rbô cơldŭ mờ ù bơ̆t bơtàu ală tiah lơh broă pơgăp 10 rbô lồ. Ồng Võ Thành Huy, Phó Kwang Lam bồ Sờh Niam chài, Tàp pràn să jan mờ Lòt nhơl, pà gĭt, lơyài ngan rlau jơh là tus ngai 15 nhai 09 do jơh ală sră nggal rơndăp ù tiah rơ̆p geh lơh sir.