Tàm tơngume ală broă lơh bơh “Nhai lòt sền anih tus lòt nhơl càr Lâm Đồng nam 2025”, tàm 2 ngai do, Sờh Niam chài, Tàp pràn să jan mờ Lòt nhơl càr Lâm Đồng pơgồp bal mờ Ală mpồl lòt nhơl tàm càr neh bơyai lơh mpồl Famtrip lòt sền nàng sơlơ tơnguh tai bơta pràn tàm tơrbŏ ală phan bơna, broă drơng ala lòt nhơl tàm 3 tiah Rbô bơkàu – Dà lềng tơlir- brê bơnơm dờng. Tơnơ̆ tŭ tơmut bal 3 càr Lâm Đồng, Dăk Nông mờ Bình Thuận, gah lòt nhơl càr Lâm Đồng pa dê neh lơh gơs dùl ù tiah bơtàu tơnguh dờng ơnàng, geh uă bơta pràn, bơta kơp kơnờm. Mpồl lòt sền Famtrip geh ală cau geh jơnau git wă jrô, cau atbồ lòt nhơl, hìu bơsram Đại họk, mpồl kă bro gah lòt nhơl… neh lòt sền ngan ngồn, lòt sền phan bơna, broă drơng ala lòt nhơl tàm 3 anih tus pơnrơ ngan bơh càr Lâm Đồng dê, geh: Mũi Né – gar đèk kuơmàng bơh lòt nhơl dà lềng tiah đah jum mat tơngai lik câu Á dê; Dà Làc rbô bơkàu – câu Âu tàm gùl tiah mìu sùh iò uă; Tào Dùng – Vịñ Hạ Long tàm tiah kơh bơnơm”. Ală jơnau đơs đơs là, Lâm Đồng kờñ pal mhar lơh niam phan bơna gùng lòt nàng tàm tơrbŏ bal gùng lòt nhơl dà lềng – brê – bơkàu.

Nhai lòt sền anih tus lòt nhơl Lâm Đồng nam 2025 geh tơngume: “Bơtòm tơrgùm bơta niam chài – Tàm tơrbŏ bal nùs nhơm” geh lơh bơh ngai 06/9 tus ngai 05/10 mờ ròt ală broă niam chài – lòt nhơl – kă bro phan – tàp pràn să jan. Do là tŭ niam nàng lòt nhơl càr Lâm Đồng lơh gơ rề jơnau kờñ pơyua bè dùl ù tiah đềt mềr, sơrmah sơrmài, kờñ nac, bềng bơta niam chài is ồn mờ bềng lìu bơta kơlôi sơnơng.