Jat mpồl bơyai lơh, Anih tờm sră ƀău rơp là rbàng tơrbŏ lơh gơ rề uă rùp să dùl Lâm Đồng tam gơl pa, ngac ngar, bơceh lơh, mut gơ rờm bal mờ bơtàu tơnguh, pơgồp bơnah gàr kơ̆ bơta pin dờn bơh làng bol dê, lơh gơlik nùs nhơm tàm pơrlòng duh hồl, wèt tus cồng nha bơh pơrjum dờng dê. 

Tŭ do neh geh 79 anih lơh ƀău tàm càr mờ bơdìh càr cih mat dan lơh broă, yal jơnau tơnggit bè pơrjum dờng. Nàng lơh gơlik bơta niam lơh broă, Anih tờm sră ƀău geh rơndap lơh rềp Hìu pơrjum Hìu bơsram kơlôi sơnơng ling tam lơh ù gờl, gơ wèt sơnah ƀòn Lâm Viên – Dà Làc, mờ wil tơl phan bơna, măi mok, tơrbŏ internet, sră nggal mờ ală rùp hin ngan ngồn bơh pơrjum dờng dê. Bơh hơ̆ pơgồp bơnah yal jơnau tơnggit bè pơrjum dờng rơp gơ rề pràn rlau, jrô ơnàng rlau tàm làng bol.