Tus jơh ngai 31/8, gùt càr rơp pa ai geh rlau 4 rbô 400 tơmàn đong, geh rlau 23% broă rơndap lơh; dilah kờp bal mờ khà broă ờ hềt geh tơm priă den kung mìng geh mờr 27%. Pal đơs là ală rơndap broă, broă lơh kuơmàng mờ kờp jơh priă bơcri mờr 8 rbô tơmàn đong mìng rơp pa ai priă bơcri geh 430 tơmàn đong, ndrờm 5% broă rơndap lơh.

Anih duh broă Làng bol càr sồr ală sờh, gah broă lơh, ală tiah tơrgùm tă bơsong kal ke, tơnguh mhar tơngai lam lơh rơndap broă mờ ai priă bơcri, pơnđơl pràn lơh gơs 100% broă rơndap lơh priă bơcri geh jàu. Nàng lơh gơtùi jơnau kờñ do, bơh tŭ do tus lồi nam, pah nhai càr kờñ pal ai priă bơcri kờp bal mờr 2 rbô 600 tơmàn đong. Ồng Hồ Văn Mười – Củ tịc Anih duh broă Làng bol càr Lâm Đồng đơs nền, broă tơnguh mhar ai priă bơcri dà lơgar ờ mìng pơgồp bơnah lơh sir phan bơna mờ gam lơh gơlik bơta gơn kơnờm chồl tơnguh gơguh lơh sa càr dê, bè hơ̆ den tàng kờñ pal lơh broă rơndap lơh mùl màl pah ngai nàng tơnguh mhar tơngai lam lơh.