Đơs tàm dơ̆ bơyai lơh, Thượng nghị sìh ồng Lae Dilokvidhyarat – dùl nă pơgru dờng cau Thái Lan jơi Việt Nam đơs, do ờ mìng là tŭ nàng kah kơlôi mờ ưn ngài, mờ gam là tŭ niam nàng ròng siam nùs nhơm kờñ gơboh bal kòn bơnus, nùs nhơm geh kơnòl mờ bơta tam klac bal tàm mpồl bơtiàn. 

Dơ̆ bơyai lơh ai tơnggŏ uă ngan nùs nhơm “Hùc dà kah tô dà”, mờ kung là jơnau tơngkah bè bơta kuơ dờng màng bơh ring lơngai dê – bơnàng jă ai bơta bơtàu tơnguh kơ̆ kơljap sùm mờ gơboh gơbài bơh kòn bơnus dunia dê. Broă do pơgồp bơnah sền gàr niam chài jơi bơtiàn, sơlơ tơrbŏ kơ̆ tai bơta gơ rềng đah ală rơnàng cau Việt Nam ơm ngài dà lơgar, bal mờ gơp bơt bơtàu ai dùl mpồl bơtiàn đềt mềr, niam chài kòn bơnus mờ kah hờ dà lơgar in.