Đơs tàm dar pơrjum, Thủ tướng ồng Phạm Minh Chính đơs là viên cứk mpồl lơh broă mờ cau lơh broă tàm bàr pe tiah bulah neh geh pồ tơl kwang bàng mờ rơndăp tăp sèng wơl mơya ờ hềt ngan ngồn kơl jăp; kwang bàng, kông cứk kung gam uă bơta ờ hềt tơl bơta chài lơh broă ờs mờng, lơh broă jrô, ngan là tàm ală gah ù tiah, bơt bơtàu, măi mok yal tơngĭt jơnau. Tàm tơngai tus, Thủ tướng sồr ală ƀộ, gah broă pơn jat tai lơh sir kơrnoat boh lam, broă lơh dong kờl. Pồ tơl kwang bàng mpồl lơh broă, cau lơh broă, sồr Ƀộ Broă dơlam is bơt bơtàu tiah lơh broă ai gơnoar atbồ 2 kấp in, ngan là tàm ală ƀòn lơgar, gàr niam bơta di pal mờ di tŭ.

Thủ tướng ồng Phạm Minh Chính kơ̆p kờñ jơh ală anih lơh broă sră pơ àr gơnoar atbồ Dà lơgar pơn jat tai lơh jat niam nùs nhơm jơh nùs uă, lơh ngan uă, lơh broă kràñ cê jơh nùs, tam klăc, geh kơnòl, bơceh lơh, ai broă lơh gơnoar atbồ 2 kấp ngan ngồn mut lơh broă jrô, geh cồng nha, pơgồp bơnah kwơ màng tàm bơt bơtàu broă lơh sră pơ àr pa ngan, song dơ pă, tài làng bol, tài Dà lơgar.