Jơnau rcang cih pà gĭt, bơh nam 2000 tus tŭ do, Dà lơgar neh bơcri priă lơh 16 cơldŭ lơh tơrlòng tờm Dà lơgar, mơya ală anih lơh broă kung gam ờ hềt gơ gơs phan bơna bơt bơtàu kơlôi sơnơng kwơ màng tài bơh bơcri priă lơh gam rah rài, ờ tơl ală broă lơh mut lơh ring bal mờ lơh bal mờ ală gah măi mok tờm dê.

Tàm pơrjum, ală Bộ, gah, sồr lơh loh tiah adat boh lam, broă lơh atbồ, priă jền, kờp tus lơh bal đah ală anih kơlôi sơnơng nàng kờñ pleh gơbàn tàm rơndăp rơndồl, pơhì pơhà priă jền. Đơs pơndŭt pơrjum, ồng Hồ Quốc Dũng, Phó Thủ tướng sồr Bộ Jak chài mờ Măi mok pơn jat tai kờp sền jơnau kờñ, kơnòl broă, tơngai lam lơh; bơt bơtàu ală cơldŭ lơh tơrlòng pa ngan, ring bal, ngui bal geh cồng nha, drơng broă bơtàu tơnguh jak chài măi mok, tam gơl pa bơceh lơh mờ ală măi mok kwơ màng.