Cau tĕ khà tơlik nùs nhơm chờ hờp tềng đăp ală cồng nha bơtàu tơngguh lơh sa- mpồl bơtiàn, ngan là broă tơmŭt bal, lam lơh broă lơh tơrlòng lài gơnoar ătbồ ƀòn lơgar 2 kâp. Bulah bè hơ̆, uă jơnau đơs yal wơl tơnơ̆ tơmŭt bal, ù tiah ƀòn lơgar sàh ơnàng, bơnah broă lơh uă, bơta kơn jơ̆ uă den tàng kờñ pal geh broă dong kờl tai dipal ai kwang bàng, kông cưk in, is ồn là kwang bàng ờ lơh kơnòl broă ngan ngồn.

Cau tĕ khà dan bơcri phan bơna, blơi măy mŏk phan ngui nàng bơsong sră nggal sră pơ àr gơnoar ătbồ sơrbăc mhar; sền gròi bơtàu tơngguh gùng lòt mờ logistics, gờñ lam lơh gùng rơndeh lòt mhar Buôn Ma Thuột – Nha Trang, Buôn Ma Thuột – Phú Yên, lơh ơnàng wơl gùng dà lơgar 29 mờ bơcri anih ơhò ơm Vũng Rô- Bãi Gốc drơng tăc phan lơh geh bơh sươn sre mờ lơgar ndai. Tàm broă lơh sa sươn sre, kờñ pal dong kờl mpồl lơh broă bal bơ̆t bơtàu tiah tam lơh geh tơl jơnau sồr ală lơgar dê, bơcri anih tờm lơh phan bơh chờm, prăp gàr mờ rề ơnàng broă dong kờl càn priă ờ sa priă cồng uă.