Tàm pơrjum, Mpồl duh broă Làng bol càr Dăk Lăk tơrgùm cribơyai, pờ tê ring bal ală Jơnau lơh nền tàm pơrjum bè tam pà, tam gơl niam broă rơndăp lơh priă bơcri bơtàu tơnguh nàng kờñ lơh jat ală broă lơh jơnau kờñ Dà lơgar; Lơh nền jàu sa priă nhai kông cứk, khà cau lơh broă tàm mpồl lơh broă dà lơgar nam 2025; tam gơl jơnau kờñ ngui brê nàng lơh bàr pe rơndăp broă lơh tờm; ai lơh jat Kơrnoat pal jat lơh broă bơh Mpồl duh broă Làng bol càr, Duh broă sùm Mpồl duh broă Làng bol, ală Mpồl, Mpồl ala mat mờ ala mat Mpồl duh broă Làng bol càr.

Kung tàm pơrjum, Mpồl duh broă Làng bol càr Dăk Lăk khoă 10, tơngai lơh broă bơh nam 2021 – 2026 neh lơh pồ bơtơl gơnoar broă Phó Củ tịc Mpồl duh broă Làng bol càr. Mờ cồng nha khà sră đùh lơh geh rlau  86,2% cau ala mat ring bal, Mpồl duh broă Làng bol càr Dăk Lăk neh ai lơh jat Jơnau lơh nền tàm pơrjum dờp ồng Từ Thái Giang geh pồ at gơnoar broă Phó Củ tịc Mpồl duh broă Làng bol càr Dăk Lăk khoă 10, tơngai lơh broă bơh nam 2021 – 2026. Đơs tàm pơrjum, mò Cao Thị Hòa An – Phó Ƀí thư Duh broă sùm Tỉñ ủy càr, Củ tịc Mpồl duh broă Làng bol càr đơs sùm: tơnơ̆ rlau 2 nhai lam lơh rơndăp tăp sèng, tơmŭt bal 2 càr, mpồl lơh broă gơnoar atbồ ƀòn lơgar 2 kấp hời rơ hờp geh pồ tơl, lơh broă bè ờs, pơgồp bơnah lam gơnoar atbồ rềp làng bol rlau tai, bơsong di tŭ ală broă geh ngan.