Pơgăp mờ do 80 nam lài, tơnơ̆ tam lơh pha lin kăc màng nhai 8, ngai 23 nhai 9 nam 1945, Tỉñ ƀộ Việt Minh crơng gơs Mpồl Ling klàng càr Dăk Lăk, bơta tờm là Tiểu đoàn tơnklàs ling N’Trang Lơng. Neh rơlao ală tơngai lơh broă, mpồl ling càr sùm ai tơngŏ nùs nhơm kăc màng, geh uă broă pơgồp bal tàm ală dơ̆ tam lơh mờ tàm broă bơ̆t bơtàu, sền gàr Dà lơgar.

Mpồl ling càr neh geh Đảng, Dà lơgar jào pà uă phan kwơ màng bè Huân cương Sơrmañ rơmit, Huân cương Hồ Chí Minh, Huân cương Quân công, Khà măt Mpồl “Khin cha jăk chài ling klàng làng bol”. Dơ̆ do, tơnkah 80 nam ngai bơhiàn, Củ tịc lơgar jào pà Huân cương Sền gàr Dà lơgar khà II ai Mpồl đơng lam Ling klàng càr Dăk Lăk in.