Jat jơnau kờp dŭ, dar pơrjum rơp geh lơh tàm 6 ngai. Tàm dar pơrjum do, Anih duh broă Lơh kơnòl broă sùm Quôk hội rơp lời uă tŭ tơngai nàng tơrgùm ai broă lơh bơt bơtàu adat boh lam in mờ broă sền swì, ai jơnau đơs gơ wèt mờ 21 rơndap lơh adat boh lam. 

Bơdìh hơ̆ tai, Anih duh broă Lơh kơnòl broă sùm Quôk hội rơp sền swì, ring bal Jơnau lơh nền tàm pơrjum pơlam broă git nền jơnau kờp dŭ rơndap tap sèng, mpồl cau mờ tam pà khà cau geh yal tơnggit cau tơlik mat tĕ khà cau ala mat Mpồl duh broă làng bol ală kâp tơngai lơh broă bơh nam 2026 tus nam 2031; Jơnau lơh nền tàm pơrjum bè khà dia sền gàr tiah ơm kis gơ wèt mờ xăng, zờu, tơngi bong tàm nam 2026. Anih duh broă Lơh kơnòl broă sùm Quôk hội kung rơp ai jơnau đơs dơ̆ 3 bè broă rơcang Dơ̆ pơrjum dơ̆ 10, Quôk hội khoă XV.