Anih duh broă Làng bol càr Quảng Ngãi neh pơrjum tă pơgồp jơnau đơs bè broă bơt bơtàu hìu bơsram pe kâp ơm sa bĭc tơn tàm hìu bơsram ală kấp tàm ală sàh tiah nhàr lơgar. Bơh lòt sền, Sờh Bơto bơtê mờ Bơsram càr Quảng Ngãi dan mờ Anih duh broă Làng bol càr lơh nền rơwah 4 sàh geh Dục Nông, Mô Rai, Sa Loong, Rờ Kơi nàng bơcri priă lơh 4 nơm hìu bơsram. Ală tiah do ală bơta lơh sam mpồl bơtiàn kal ke uă ngan, ù tiah kal ke, gùng lòt rê kal ke, làng bol ơm kis ờ hoan geh, uă ngan là làng bol kòn cau Sơdàng, Bahnar, Jeh- Triêng. Càr rơ̆p lơh pa 2 nơm hìu bơsram mờ lơh niam wơl, lơh kơnhăp 2 nơm hìu bơsram. Kờp jơh priă bơcri lơh rlau 600 tơmàn đong. Nam 2025 càr ai pơgăp 117 tơmàn đong bơh ală priă jền nàng bơt bơtàu.

Ồng Nguyễn Hoàng Giang, Củ tịc Anih duh broă Làng bol càr Quảng Ngãi sồr ală anih lơh broă, mpồl lơh  broă geh gơrềng rcang lài lơh jat ală bơnah broă geh jàu, jơh nùs lơh ngan sơnđờm mut lơh bơt bơtàu ală hìu bơsram tàm ngai 15/11 tus do, lơh sir tàm nhai 7/2026.