Drim òr (02/10), Tỉñ ủy càr Quảng Ngãi bơyai lơh Pơrjum yal jơnau lơh nền tàm pơrjum bơh Ƀộ Cíñ trị dê bè broă kwang bàng. Tàm pơrjum, ồng Hoàng Đăng Quang, Phó Kwang lam bồ Mpồl duh broă sùm Mpồl Rơndăp broă Dà lơgar yal jơnau lơh nền tàm pơrjum bơh Ƀộ Cíñ trị dê bè broă kwang bàng.

Jăt mờ hơ̆, Ƀộ Cíñ trị ai geh jơnau lơh nền tàm pơrjum ntrờn, tam pà, sồr ồng Hồ Văn Niên, Thứ trưởng Duh broă sùm Ƀộ Jơi bơtiàn mờ Pin dờn Jăt yàng, tus bal Mpồl đơng lam, Mpồl Duh broă sùm Tỉñ ủy  càr Quảng Ngãi tơngai lơh broă bơh nam 2025 tus 2030 mờ at gơnoar broă Ƀí thư Tỉñ ủy càr Quảng Ngãi tơngai bơh nam 2025 tus 2030, ala mò Bùi Thị Quỳnh Vân geh Ƀộ Cíñ trị ntrờn, pồ at gơnoar broă Phó Mpồl rơndăp broă Dà lơgar. Ồng Hồ Văn Niên deh ngai 15 nhai 10 nam 1975; kòn cau Bơnhàr; ƀòn tờm càr Gia Lai; bơsram Kử ñân Adăt boh lam, Kử ñân Lý luận Cíñ trị. Đơs tàm dơ̆ guh dờp at gơnoar broă, ồng Hồ Văn Niên, Ƀí thư Tỉñ ủy càr Quảng Ngãi đơs là, broă Ƀộ Cíñ trị tam pà guh at gơnoar broă Ƀí thư Tỉñ ủy càr Quảng Ngãi là bơta pơnyờ să dờng ngan gơwèt mờ să tờm ồng dê. Ồng Hồ Văn Niên hơ sùm gàr kơ̆ nùs nhơm cíñ trị, nùs nhơm niam, lam lài, đềt mềr mờ ală tiah, dùl nùs bal mờ mpồl Duh broă sùm, Mpồl Lơh kơnòl broă sùm, Mpồl đơng lam Đảng ƀộ càr tơnguh nùs nhơm tam klăc bal, lơh geh cồng nha ală jơnau kờñ tàm jơnau lơh nền tàm Pơrjum dờng Đảng ƀộ càr dơ̆ XX, tơngai lơh broă bơh nam 2025 tus 2030 neh geh ai.