Ồng Lê Huy Toàn at gơnoar broă Củ tịc Mpồl cau lơh ƀăo càr Lâm Đồng
Thứ tư, 13:21, 22/10/2025
Cau mblàng Ndong Brawl/VOV
Cau mblàng Ndong Brawl/VOV
VOV.K'Ho- Mho òr (21/10), Mpồl cau lơh ƀăo càr Lâm Đồng bơyai lơh pơrjum pồ Mpồl duh broă mờ kwang bàng tờm, mờ ai geh gùng dà broă lơh tàm ală nhai lồi nam 2025 in.
Mpồl geh crơng gơs tàm tơngu me tơrgùm bal Mpồl cau lơh ƀăo pe càr Lâm Đồng, Bình Thuận mờ Dăk Nông, mờ rơlao 600 nă cau tàm mpồl. Mpồl duh broă khoă pa geh 27 nă kwang bàng.
Pơrjum neh pồ ồng Lê Huy Toàn, Tỉñ ủy viên, Gơnoar atbồ dờng sền sơwì ƀăo mờ pờ tơlik jơnau đơs-sơn-io rùp càr Lâm Đồng at gơnoar broă Củ tịc Mpồl. Đơs tàm dơ̆ dờp kơnòl, ồng Lê Huy Toàn đơs nền rơ̆p bal mờ mpồl duh broă mhar ai broă lơh Mpồl dê geh tàm bơta niam, tơnguh gơnoar cau lơh ƀăo tàm đah cíñ trị, nùs nhơm, pơgồp bal niam tàm broă bơtàu tơnguh càr dê.
Viết bình luận