Mho ngai 16/10, tàm Pơrjum Tỉñ ủy càr Dăk Lăk dê, Mpồl Rơndăp broă Dà lơgar neh yal jơnau lơh nền Ƀộ Cíñ trị dê sồr ồng Lương Nguyễn Minh Triết, Kwang bàng Rơcăng lài Đảng Dà lơgar, Ƀí thư Thàñ ủy ƀòn dờng Đà Nẵng ăt gơnoar broă Ƀí thư Tỉñ ủy càr Dăk Lăk tơngai lơh broă bơh nam 2025- 2030 bơh ngai 15/10/2025. Đơs dờp kơnòl broă, Ƀí thư Tỉñ ủy pa càr Dăk Lăk dê ồng Lương Nguyễn Minh Triết tơlik nùs nhơm chờ hờp tŭ geh Dà lơgar dòn kơnờm jàu kơnòl broă kơn jơ̆ ngan; đơs nền rơ̆p jơh nùs iăt kơno jơnau sồr, gĭt wă jrô bè bơta chờ hờp mờ kơnòl dờng tàm broă bal mờ jơh ală oh mi Mpồl duh broă Đảng ƀộ càr, đơng lam sồr lơh jăt geh cồng nha kơnòl broă bơtàu tơngguh lơh sa- mpồl bơtiàn, gàr niam dà lơgar – lơngăp lơngai, lơh geh jơnau sồr uă bơh dùl càr tiah tờm Tây Nguyên dê.

Ồng Lương Nguyễn Minh Triết deh nam 1976, ƀòn tờm sàh Duy An, kơnhoàl Duy Xuyên, càr Quảng Nam yau, tŭ do gơ wèt ƀòn dờng Đà Nẵng; bơsrăm broă mờng lơh Thàk sìh Ătbồ broă Kă bro, Kỹ sư Măy mŏk Silicat; kâp dờng Cribơyai jơnau tàm sră pơ àr Cíñ trị.