Lài mờ Pơrjum dờng Đảng ƀộ càr, tơngai lơh broă bơh nam 2025 tus 2030, drim òr (30/09), Anih duh broă Làng bol càr Gia Lai bơyai lơh ai ngui bàr gơl gùng tờm là Gùng càr 633 gơl bơh Núi Ghềng tus rềp mờ gùng jăt gah dà lềng (gùng càr 639) mờ gùng Điện Biên Phủ tơrbŏ jòng tus tiah drà Diêm Vân.

Do là 2 gơl gùng tờm, pơgồp bal tàm broă lơh gơs gùng lòt, pờ geh tiah nàng bơtàu tơnguh pa ai càr Gia Lai tàm tiah đah măt tơngai lik in. Ala măt Anih duh broă Làng bol càr Gia Lai đơs tàm dơ̆ ai ngui 2 gơl gùng, ồng Nguyễn Tuấn Thanh, Phó Củ tịc duh broă sùm Anih duh broă Làng bol càr Gia Lai sồr cau tờm bơcri priă, ală sờh, gah lơh broă, ală tiah mờ ală mpồl lơh broă atbồ lơh niam broă atbồ, sền gàr, lơh niam wơl gùng lòt; lơh jăt broă tơm priă bơcri di jăt broă neh geh ai; sền wơl, tơrgùm ală broă rơndăp ù tiah nàng lơh mờ ală broă rơndăp lơh ndai nàng lơh geh cồng nha uă ngan ală gơl gùng, pơgồp bal tàm broă lơh jăt jơh jơnau kờñ ai càr Gia Lai gơs càr bơtàu tơnguh pràn tàm tiah tàm gùl lơgar, gơguh lơh sa 2 sồ tàm tơngai mờr tus.