Chờ hờp ồng Nguyễn Quốc Đoàn geh Đảng, Dà lơgar dòn kơnờm jàu ăt gơnoar broă pa, Thủ tướng ồng Phạm Minh Chính kơ̆p kờñ ồng Nguyễn Quốc Đoàn tàm gơnoar broă pa lời jơh nùs jơh pràn he dê, lơh sir kơnòl broă geh jàu.

Đơs dờp kơnòl broă, Phó Đơng lam Duh broă sùm Lùp sền Cíñ phủ ồng Nguyễn Quốc Đoàn hơ tàm gơnoar broă pa rơ̆p lơh ngan jơh pràn he dê, pơnđơl uă rlau tai bal mờ nùs nhơm kơnòl uă ngan rlau jơh, sùm lùp bơsram, bơsram tàp, bơsram lơh jăt bồ tơngoh, nùs nhơm, broă lơh mờ rài kis Hồ Chí Minh dê, bal mờ jơh ală đơng lam Lùp sền Cíñ phủ đòm jăt bơhiàn tam klăc, ring bal, jơh nùs jơh pràn, sơrlèt ală bơta lòng, gơ kơryan, tă pơgồp jơh pràn he dê ai broă lơh bal nàng broă lơh lùp sền mùl màl là dùl nơm đàu sồt ngan Đảng mờ Dà lơgar dê, là anih kơldìng bơh làng bol dê.