Jơnau đơs pơn dŭt dơ̆ pơrjum, Phó Thủ tướng Duh broă sùm Chính phủ đơs nền pal đal loh mờ bơsong ală gơkòl gơlik geh tàm broă bơ̆t bơtàu broă lơh; ờ di tài kal ke atbồ mờ kơrian ha là tơrmù broă lơh do. Jơnau kờñ là gàr bơta niam ring bal, kơrian broă sơgràm broă lơh nàng lơh geh kwơ is, mờ tơnguh uă cồng nha atbồ dà lơgar.

Phó Thủ tướng jào Ƀộ Lơh sa mờ măy mŏk mờ Kă bro phan iăt tơl jơnau đơs pơgồp bal nàng lơh gơs jơnau rơcang cih. Jăt mờ hơ̆, bơdìh mờ sră nggal di jăt mờ jơnau geh ai bơh anih lơh broă mpồng nhàr dà lơgar dê, mpồl lơh broă, cau dùl nă să blơi rơndeh ôtô pal bơtơl sră nggal đơs loh jơnau kờñ blơi bơh lơgar bơdìh, jơnau tơngit đah cau pà, đah cau dờp mờ ală khà geh ai bơh rơndeh dê nàng drơng tàm broă atbồ, kờp sền.