Đơs nền lơgar Việt Nam sùm sền lơgar Mỹ là lơgar lơh broă bal kwơ màng jŏ jòng lài ngan, Tổng Bí thư, Chủ tịc lơgar sồr bàr gah pơn jăt tai lơh geh cồng nha broă lơh Tam klăc bal Kwơ màng Tơl ală bơta, lơh pràn lơh broă bal sền gàr dà lơgar, gơdờp mờ jơnau kờñ bal mờ bơta kwơ bơh tơl lơgar dê.

Đơs nền bơta kwơ màng bơh lơh broă bal tàm broă bơsong hoàc huơr rài tam lơh, Tổng Bí thư, Chủ tịch lơgar sồr đah lơgar Mỹ geh sùm mờ rề ơnàng ală rơndăp broă lơh kloh dioxin, jòi rồ ƀồm mềm, dong kờl cau koĕt kơl te; tơnguh broă tam jào măi mok, ai jơnau tơngit bal mờ phan lời kir nàng drơng tàm broă jòi rồ, đal git măt cau ling chơ̆t màng lơgar Việt Nam. Atbồ ing Bộ trưởng Ling dà lềng ồng Hùng Cao đơs nền, lơgar Mỹ sền kwơ bơta git gơ̆p mờ lơgar Việt Nam, kờñ bal dùl lơgar Việt Nam pràn kơl dang, krơi is, pràn is mờ kơ̆p kờñ pơn jăt tai rề ơnàng lơh broă bal đah bàr lơgar, tàm tiah do mờ gùt plai ù.