Drim ngai 17/9, tàm Hìu pơrjum Hìu bơsram Cíñ trị ƀòn dờng Đà Nẵng neh mut lơh Pơrjum dờng cau ala mat Đảng ƀộ ƀòn dờng Đà Nẵng dơ̆ 1, tơngai lơh broă bơh nam 2025 tus nam 2030. Đơs sồr lơh tàm Pơrjum dờng, Duh broă sùm Ƀan Ƀí thư ồng Trần Cẩm Tú đơs sùm; Pơrjum dờng cau ala mat dơ̆ 1 Đảng ƀộ ƀòn dờng Đà Nẵng neh đal git ală jơnau kờñ, kơnòl broă tơngai bơh nam 2025 tus nam 2030 tơl làm tàm jơh ală broă: lơh sa, niam chài, mpồl bơtiàn, tiah ơm kis, ling klàng, sền gàr lơngăp lơngai mờ broă lơh bơt bơtàu Đảng.

Ồng Trần Cẩm Tú sồr Đảng ƀộ ƀòn dờng Đà Nẵng tơrgùm bơt bơtàu Đảng mờ anih lơh broă cíñ trị sàng goh, kơ̆ kơljap, pràn kơldang; bơt bơtàu mpồl kwang bàng, ngan là cau lam bồ ală kâp geh tơl nùs nhơm niam, pràn jak, bơngă pin dờn, khin sơnơng, khin lơh, khin tam gơl pa, khin tam gơl pràn tài bơta kuơ bal. Tàm dar mut pơrjum dờng Đảng ƀộ ƀòn dờng Đà Nẵng dơ̆ 1, tơngai lơh broă bơh nam 2025 tus nam 2030 neh lam lơh yal jơnau lơh nền bơh Đảng dà lơgar dê bè sồr Mpồl đơng lam Đảng ƀộ ƀòn dờng Đà Nẵng tơngai lơh broă pa geh 75 nă cau. Ồng Lương Nguyễn Minh Triết pơn jat tai at gơnoar broă Ƀí thư Thàñ ủy ƀòn dờng Đà Nẵng tơngai lơh broă bơh nam 2025 tus nam 2030.