Đơs tàm dơ̆ jàu khà jờng, ồng Trần Thanh Mẫn- Chủ tịch Quốc hội sồr, sră băo pal mblàng yal pràn kơl dang, geh cồng nha rlau tai gùng dà broă lơh bơh Đảng, adat boh lam bơh Dà lơgar dê; lơh gơrề uă nùs nhơm tam gơl pa bơceh lơh, pơn jờng tơl rơnàng làng bol jơh nùs tus bal tàm broă lơh bơtàu tơnguh Dà lơgar.

Sră ƀăo pal là mpồl lòt lài tàm broă sền gàr bơnàng jă bồ tơngoh bơh Đảng dê, lơh ngan tam dră wơl mờ ală nùs nhơm tìs, gơ jrañ kơ uềng. Tiah lơi geh jơnau đơs ờ ngan, pơrlơ̆ dră- tiah hơ̆ geh sră ƀăo đơs wơl pràn kơl dang; tiah lơh geh jơnau yal ờ niam, bồ tơngoh kơlôi sơnơng tìs- tiah hơ̆ geh sră ƀăo đơs geh wơl bơta ngan, lơh kơ̆ wơl bơta pin dờn. Đảng, Dà lơgar mờ Làng bol pin dờn; sră ƀăo kăc màng Việt Nam pơn jat tai bơtàu tơnguh ờs mờng, niam jak kòn bơnus dê, tơngai pa tŭ do, ngui gai cih hơr ngan bơh he dê nàng drơng broă Dà lơgar, drơng broă làng bol. Mpồl duh broă jàu khà jờng sră ƀăo Dà lơgar neh jàu 11 jơnau cih khà A, 26 jơnau cih khà B, 50 jơnau cih khà C. Anih jơnau đơs Việt Nam geh 2 khà A.