Đơs niam ngan ală broă lơh geh mờ Mpồl ling dờng di mơ Kảñ sát ntrờn làm bă tiah Tây Nguyên dê lơh geh tàm ală broă, Phó Củ tịc lơgar mò Võ Thị Ánh Xuân sồr Mpồl ling dờng di mơ pơn jăt tai đòm jăt bơhiàn mpồl Khin cha jak chài, jơh nùs dòn song mờ Đảng, Dà lơgar mờ Làng bol, tam klăc ring bal bơta kơ̆p kờñ mờ lơh broă.

Tơrgùm bơ̆t bơtàu mpồl Kảñ sát ntrờn làm bă tiah “Sàng goh ngan, pràn kơnhăp, ngan ngồn, jak chài, pa ngan lơh geh jơnau sồr kơnòl broă tàm bơta pa”. Lơh niam broă lơh bơto cíñ trị bồ tơngoh, bơto bơhiàn, lơh jăt geh cồng nha 6 bơta Wa Hồ bơto Kwang àng làng bol, jơh nùs bơsram, tàp lơh bè tơl bơta nàng lơh kơ̆ kơl jăp nùs nhơm cíñ trị kơ̆ kơl jăp, nùs dòn song ngan mờ Đảng, mờ Dà lơgar mờ jơh nùs jơh tồr drơng broă làng bol in. Jơh nùs tus bal bơtàu tơngguh lơh sa- mpồl bơtiàn, gàr niam rài kis mpồl bơtiàn, lơh jăt ală broă, lơh jăt tơn jơh hìu ing hìu ồm sèt ñhăt dà mìu tàm tiah do dê, ngan là ală tiah làng bol jơi bơtiàn dồ êt nă cau.