Ala mat đơng lam dà lơgar mờ Mpồl duh broă Tàm pơrlòng Pà phan ƀàn dà lơgar, Phó Củ tịc lơgar mò Võ Thị Ánh Xuân neh jờng rơ, nting bơr gờm chờ ală cồng nha kuơmàng bơh Đảng ƀộ, gơnoar atbồ mờ làng bol càr Thanh Hóa neh lơh geh tàm tơngai lơh broă lài. Mờ kung đơs sùm, càr Thanh Hóa gam ơm tềng đap bơta bơtuah halà aniai dờng nàng gơ gơs là càr lam lài, càr lơh lài bơh gùt lơgar dê, wèt tus càr pas sơm, niam bơnĕ, gơguh jak, gơboh gơbài tàm nam 2045 bè bơta kơp kờñ bơh Đảng, dà lơgar mờ jơnau kờñ mờ Pơrjum dờng Đảng ƀộ càr Thanh Hóa dơ̆ 20 neh ai tơlik.

Nàng lơh gơtùi jơnau kờñ do, sồr Đảng ƀộ, gơnoar atbồ, ling klàng mờ làng bol càr Thanh Hóa pal đòm jat bơhiàn khin cha jak chài mờ ală cồng nha neh lơh geh; bơsong gơtùi bàr pe bơta ờ niam, ờ pràn jơh bal git lài mờ ờ gơtùi git lài; ai geh ală jơnau bơsram niam ngan tàm broă lơh bơt bơtàu Đảng, bơt bơtàu anih lơh broă cíñ trị, tàm broă lơh atbồ dà lơgar tàm ală gah broă ƀuơn gơ rềng, kal ke; sơrlèt gan ală bơta kal ke, bơta lòng tềng đap mat, pơgồp bal bơta pràn, dồ nùs bal lam Thanh Hóa pơn jat tai bơtàu tơnguh mhar mờ kơnhăp jŏ.