Phó Củ tịc lơgar cih dờp càr neh jơh nùs lam lơh jrô ơnàng làm uă ală srơh tàm pơrlòng, lơh geh bơta pràn lơh gơrề pràn tàm mpồl bơtiàn. Tàm tơngai lơh broă do, Lâm Đồng geh rlau 360 mpồl cau, cau dồ nă să geh Củ tịc lơgar pà Sơlòng, Gai lòng, sră jờng rơ tàm pơrlòng, khà jờng, jờng rơ chờ hờp Dà lơgar; rlau 500 mpồl cau dờp Bồng bi tàm pơrlòng, Ƀằng khen bơh Cíñ phủ dê; rlau 32 rơbô mpồl cau geh jờng rơ kấp càr bal mờ uă broă lơh jờng rơ ndai.

Di dơ̆ do, Phó Củ tịc lơgar pà 200 bơnah phan pà ai kơnòm bơsram rƀah sơr lèt gan kal ke bơsram jak mờ phan pà ai ală Cau ling phàu crong khin cha jak chài làng bol tus bal pơrjum dờng. Pơrjum dờng kung jờng rơ, pà khà jờng 15 mpồl cau, cau dồ nă să pơn rơ gơguh jak tàm uă gah, pơgồp bơnah pơn jờng srơh tàm pơrlòng kờñ gơboh Dà lơgar tơngai bơh nam 2025-2030.