Tàm pơrjum, ala măt ală ƀộ gah neh tàm cribơyai, tă bơsong bàr pe kal ke, gơkwĕ gơkòl mờ ƀòn dờng Hải Phòng gam gơtìp; sồr ƀòn dờng tơrgùm dong kờl ală gơn kơnờm gơguh lơh sa pa, bè: Lam lơh rơndăp broă lơh tiah kă bro phan khăt gơboh; đèng càl tàm dà lềng; tam gơl sồ…

Jờng rơ ngan ală cồng nha tơl làm Hải Phòng neh lơh geh, Phó Thủ tướng ồng Hồ Đức Phớc đơs sùm: “Hải Phòng àn ơnòng kơnòl broă dờng mờ kơn jơ̆ ngan” mờ sồr mờ gơnoar broă pa, ƀòn dờng Hải Phòng pa pal lùp bơsram nền nòn mờng chài ală lơgar dê, đòm jăt dipal mờ bơta geh ngan tàm rài kis, bơta krơi is ƀòn lơgar dê tàm broă rơndăp ù tiah ƀòn dờng Hải Phòng pa; bơ̆t bơtàu tiah lơh sa khăt gơboh; săc rwah ală cau bơcri priă jŏ jòng, geh măy mŏk pa pơn jăt bal mờ tàm jàu jak chài, măy mŏk, lơh geh bơta bơtàu tơngguh mnhar, pràn, kơnhăp jŏ.