Tàm dơ̆ lơh broă, càr dan mờ Dà lơgar gờñ ai lơh jat Jơnau lơh nền tàm pơrjum pa  ai tiah Tây Nguyên mờ tiah jat kềng gah dà lềng tàm gùl lơgar in; ai lài priă bơcri lơh gơl gùng lòt đah mat tơngai lik - đah mat tơngai mut mờ dong kờl pơgăp 200 tơmàn đong nàng bơsong jơnau gơ lời wơl tài bơh trồ tiah lơh aniai.

 Phó Thủ tướng Cíñ  phủ ồng Mai Văn Chính jờng rơ uă ngan bơta lơh ngan bơh càr dê tàm rơndăp tăp sèng mpồl lơh broă, tam gơl niam sră pơ àr gơnoar atbồ mờ gàr niam khà gơguh lơh sa. Phó Thủ tướng sồr càr Dăk Lăk tơnguh bơta rcang lài, chồl mhar ai priă bơcri lơh, tơnguh uă cồng nha ngui priă jền; kờp sền jơnau kờñ nam 2025, pơnđơl pràn lơh ngan gơguh pơgăp 8%, sền gròi ală broă lơh bơt bơtàu tam gơl pràn. Mơkung sền gròi rài kis làng bol tiah sar lơgar ngài, tiah làng bol jơi bơtiàn dồ ết nă cau; gàr tơl niam rài kis mpồl bơtiàn pơgồp bal  mờ kơ̆ kơl jăp sền gàr dà lơgar, lơngăp lơngai.