Phó Thủ tướng ồng Mai Văn Chính tus bal dơ̆ sơn đờm lam lơh “Broă lơh Quang Trung” tàm càr Lâm Đồng
Thứ năm, 09:32, 04/12/2025
Cau mblàng: K’Duẩn/ VOV Tây Nguyên
Cau mblàng: K’Duẩn/ VOV Tây Nguyên
VOV.K’Ho – Drim ngai 03/12, Phó Thủ tướng Cíñ phủ ồng Mai Văn Chính bal mờ Mpồl lơh broă dà lơgar neh tus bal dơ̆ sơn đờm lam lơh “Broă lơh Quang Trung” jal mhar lơh pa, lơh niam wơl hìu ơm ai ală hìu bơnhă geh hìu gơtìp ờ niam, tơrlah tơrlơm tài trồ tiah lơh aniai tàm càr Lâm Đồng in.
Dơ̆ sơn đờm lơh geh bơyai lơh tàm thôn Lâm Tuyền 2, sàh D’Ran, dùl tàm uă tiah kong hoàc huơr kơn jơ̆ ngan tàm dơ̆ mìu dà tih dà lìu tàm nhai 10 mờ nhai 11 pa do. Tàm dơ̆ bơyai lơh, Phó Thủ tướng Cíñ phủ ồng Mai Văn Chính bal mờ đơng lam 2, 3 ƀộ, mpồl, gah broă lơh dà lơgar mờ càr Lâm Đồng dê neh lam lơh bơhiàn ờs mờng sơn đờm lơh hìu pa mờ jàu rùp pơrya ai lơh pơn yơu “Lơh pà hìu bơnhă làng bol geh hìu gơtìp tơrlơm jơh tài trồ tiah lơh aniai” tus 4 hìu bơnhă làng bol bơh sàh D’Ran dê. Bal mờ hơ̆, ồng Mai Văn Chính jàu pà 10 bơnah phan ai ală hìu bơnhă làng bol gơtìp hoàc huơr kơn jơ̆ tài mìu dà tih in, pơn dờm pơnđiang làng bol sơrlèt gan kal ke gờñ bè ờs wơl rài kis, lơh wơl broă lơh sa.
Viết bình luận