Ngai òr (12/10), tàm Dà Làc, Pơrjum Hòi jà bơcri priă càr Lâm Đồng nam 2025 ngan ngồn sơn đờm mut lơh bal mờ bơta tus bal bơh Phó Thủ tướng Duh broă sùm Cíñ phủ ồng Nguyễn Hòa Bình, đơng lam ală ƀộ, gah broă lơh dà lơgar mờ mờr 750 nă cau ala mat, cau bơcri priă tàm lơgar mờ bơdìh lơgar dê. 

Phó Thủ tướng ồng Nguyễn Hòa Bình đơs niam bơta lơh ngan bơh càr Lâm Đồng dê – tiah tơrgùm wơl bơta ƀuơn, bơta pràn bè kơh bơnơm, brê mờ dà lềng, yal 132 rơndap broă lơh hòi jà bơcri priă nam 2025 mờ 358 rơndap broă lơh tơngai bơh nam 2026 tus nam 2030. Cíñ phủ hơ pơrgon lòt bal mờ càr Lâm Đồng bơh 4 mpồl broă lơh dờng: lơh sir mpồl lơh broă, tam gơl niam anih bơcri priă; ai lài priă jền phan bơna kuơmàng in; ngui gùng dà, broă lơh, bơta dong kờl is ồn nàng bơtàu tơnguh kơ̆ kơnhăp; lơh geh tam gơl pa bơceh lơh, tam gơl sồ, bơtàu tơnguh lơh sa tơlir. Phó Thủ tướng kung sồr càr tơrgùm tă bơsong bơta kal ke, ngan là tàm broă ai ù lơh rơndap broă, ai priă jền nàng tơnguh mhar tơngai lam lơh ală rơndap broă lơh.