Đơs tàm pơrjum, Ƀộ trưởng Ƀộ dơlam is dà lơgar Việt Nam ồng Đỗ Thanh Bình đơs sùm, do là dơ̆ nàng sền wơl cồng nha lơh broă bal tàm tơngai lài mờ pờ gơs tŭ tơngai lơh broă bal niam bơnĕ, geh cồng nha rlau. Tơn jơh pơrjum, bàr Ƀộ trưởng neh kĭ Sră cih kah bè lơh broă bal tàm gah lơh broă mờ cau geh màng mờ dà lơgar, pơgồp bơnah lơh kơ̆ bơta git gơp lơh bơyô ờs mờng, tam klac bal kuơmàng đah 2 lơgar. Jat jơnau ring bal, 2 gah rơp pơgồp bal chồl tơnguh lơh broă bal bè broă lơh, ờdo ờdă lơh broă, sền gròi cau lơh broă ntrờn tiah ơm kis, wèt tus gàr niam gơnoar kuơ bơh cau lơh broă dê in mờ tă pơgồp tàm bơta bơtàu tơnguh lơh sa – mpồl bơtiàn bơh tơl lơgar dê in.