Tàm pơrjum bơyai, ală cau ala mat neh đơs nền bơta đơng lam di pal bơh Đảng, Củ tịc Hồ Chí Minh, Quân ủy Dà lơgar, Ƀộ Ling klàng- bơta tờm lơh nền tơl bơta jai pha bơh Mpồl ling phàu crong Ling tiah 3 dê; sền sơ wì cồng nha bơt bơtàu Ling tiah 3 tơrmù di pal, pràn, guh tus tàm tơngai pa; gơnoar tờm tàm bơt bơtàu rài jơh gùt làng bol sền gàr Dà lơgar.

Ală jơnau cih tàm pơrjum bơyai neh đơs nền gơnoar kwơ màng bơh mpồl Ling tiah 3 dê tàm broă lơh hòi jà làng bol, bơtàu tơnguh lơh sa - mpồl bơtiàn, rcang lài drơng mờ trồ tiah lơh aniai, jòi dong kờl cau gơtìp rềs àr, lơh kơ̆ kơl jăp tiah rcang gàr lài; ai tơlik jơnau mờng chài rơ̆ ru kwơ ngan tàm đơng lam, sồr lơh, bơt bơtàu mờ ngui niam bơta pràn tơrgùm bal bơh mpồl ling dê; lơh jat tàm bơto bơtê ờs mờng, bơt bơtàu “nùs nhơm rcang gàr lài nùs nhơm làng bol” lơh geh jơnau sồr sền gàr Dà lơgar tàm bơta pa.