Đơs tàm pơrjum cribơyai, Củ tịc Quôk hội ồng Trần Thanh Mẫn pà gĭt, Mpồl bơyai lơh cribơyai neh dờp geh 49 jơnau cih mờ neh tơrgùm wơl, lĭp sră kir sơnrai. Ală jơnau đơs, cribơyai tàm dơ̆ pơrjum cribơyai li la uă ngan, geh bơta kwơ jơnau tàm sră pơ àr mờ bơta geh ngan uă, cih yal jrô ngan gùng lòt 80 nam crơng gơs, bơtàu tơnguh bơh Quôk hội Việt Nam dê.

Uă jơnau đơs tàm tă pơgồp bal tàm dơ̆ pơrjum bơyai đơs sùm broă pơn jat tai ngui bơceh lơh ală jơnau bơsram mờng chài rơ̆ ru geh ai tơlik tàm 80 nam do nàng tơnguh uă bơta niam, cồng nha lơh broă tàm ală tơngai lơh broă tus in, tềng đăp mat là tă pơgồp jơh nùs ai Pơrjum dờng Đảng ƀộ ală kấp mờ Pơrjum dờng cau ala mat jơh gùt lơgar dơ̆ 14 bơh Đảng dê in; rcang tĕ khà cau ala mat Quôk hội khoă 16, tĕ khà cau ala mat Mpồl duh broă Làng bol ală kấp tơngai lơh broă bơh nam 2026-2031; bơyai lơh ală broă lơh geh ngan tơngkah kir sơnrai 80 nam- Ngai tĕ khà dờng sơn rờp pồ Quôk hội Việt Nam.